الرئيسية / سلايدر الاخبار / شذى ساخرة من عبد الباسط حمودة: فاكر نفسك بيتهوفن الفن
شذى ساخرة من عبد الباسط حمودة: فاكر نفسك بيتهوفن الفن
شذى ساخرة من عبد الباسط حمودة: فاكر نفسك بيتهوفن الفن

شذى ساخرة من عبد الباسط حمودة: فاكر نفسك بيتهوفن الفن

فتحت الفنانة شذى، النار على المطرب الشعبى عبد الباسط حمودة، بعد هجوم الأخير عليها.
وقالت شذى عبر الصفحة الرئمسة لها على “فيس بوك”:”بالنسبة للأستاذ عبااااسط حمودة أنا سكت أول مره وقولت راجل كبير وعيب أرد شارع الهرم اللي بنسبالك مقياس والموالد اللي واضح إن من كتر م أنت غنيت فيهم مضيقينك فبتحاول تعمل فيها متقبل الموضوع وبتقول وترد على نفسك وأساسا محدش عاب على اللي بيغنوا في موالد ولا شارع الهرم م كل واحد يغني مكان مهو حابب محدش يقدر يقيم حد ولا يحكم على حد”.
وأضافت: “أنا فعلا محالفنيش الحظ الفظيع اني أغني فيهم اعملك إيه طيب؟؟ .أنت ليه بتحاول تعمل حوار وموضوع … للأسف يا سي عبااااسط انا مغنتش في موالد ولا غنيت في شارع الهرم ولا كنت مع اللي راحوا الهرم ولا بتنصل والواقع ان فيه اختلاف ثقافات وتربية و أسلوب”.
وأردفت :” بالنسبة لأنك فجأة عملت فيها “بيتهوفن الفن” فأنا غصب عنك فنانة مش عافيه مني و مش رأيي ده رأي الجهات المحترمة المعنية بالفن المحترم زي دار الاوبرا اللي اتشرفت وكنت صوليست فيها و طبعا مش هتفهم يعني إيه صوليست فهترجمهالك بلغتك يعني بقدم “نمره لوحدي” على أوركسترا بيقودها دكتور سليم سحاب و واحدة تانية كان بيرؤسها الدكتورة رتيبة الحفني الله يرحمها … فلو سمحت لما تطلع تأكل عيش في البرامج متحكيش في المحكي و تجيب في سيرتي وتبروز نفسك و تعمل فيها فلوطه لأنك نص معلوماتك الفنية في الحلقة رايحة في داهية”..
وتابعت:” طبعا أكيد مش هتفهم ولا حرف من اللي أنا كتباه ده لإن اساسا الأغنية اللي ضربتلك وأتعرفت بيها كنت أساسا تايهه فيها و طول مده الأغنية مش عارف نفسك يعني واحد طول الأغنية بيقول: انا مش عارفني انا تهت مني، هعتب عليه فإيه والنبي لما يلاقي نفسه بقى نبقى نتفاهم”.
يذكر أن عبد الباسط حمودة، انتقد تصريح شذى حول عدم غنائها في شارع الهرم، وسخر من هذا التصريح خلال استضافته في برنامج “العاشرة مساء”.

عن اية الحسينى

محرر صحفى لدى موقع بوابة مصر

شاهد أيضاً

القبض علي 20 متهما هاربين من المؤبد فى قضايا جنائية بإلمنيا

بالفيديو.. الأمن يلقى القبض على شخص زعم أنه كلم الله

ألقت أجهزة الأمن في محافظة الأقصر، القبض على شخص يدعى أنه كلم الله. وقالت الأجهزة …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *